Ankh mein pani rakho, honton pe chingari rakho Zinda rehna hai to tarkeeben bohat saari rakho
آنکھ میں پانی رکھو، ہونٹوں پہ چنگاری رکھو
زندہ رہنا ہـے تو ترکیبیں بہت ساری رکھو
Ankh mein pani rakho, honton pe chingari rakho
Zinda rehna hai to tarkeeben bohat saari rakho
راہ کے پتھر سے بڑھ کر کچھ نہیں ہیں منزلیں
راستے آواز دیتے ہیں سفر جاری رکھو
Raah ke patthar se barh kar kuch nahi hain manzilen
Raaste awaz dete hain safar jaari rakho
ایک ہی ندی کے ہیں یہ دو کنارے دوستو
دوستانہ زندگی سے موت سے یاری رکھو
Aik hi nadi ke hain ye do kinare dosto
Dostana zindagi se, maut se yari rakho
آتے جاتے پل یہ کہتے ہیں ہمارے کان میں
کوچ کا اعلان ہونے کو ہـے تیاری رکھو
Atay jate pal ye kehte hain hamare kan mein
Kooch ka elan hone ko hai tayyari rakho
یہ ضروری ہـے کہ آنکھوں کا بھرم قائم رہـے
نیند رکھو یا نہ رکھو خواب معیاری رکھو
Ye zaruri hai ke ankhon ka bharam qa’im rahe
Neend rakho ya na rakho, khwab mayari rakho
یہ ہوائیں اڑ نہ جائیں لے کے کاغذ کا بدن
دوست مجھ پر کوئی پتھر ذرا بھاری رکھو
Ye hawayen ur na jayen le ke kaghaz ka badan
Dosto mujh par koi patthar zara bhaari rakho
لے تو آئے شاعری بازار میں راحتؔ میاں
کیا ضروری ہـے کہ لہجے کو بھی بازاری رکھو
Le to aye sha’iri bazar mein Rahat mian
Kia zaruri hai ke lehje ko bhi bazari rakho
راحتؔ اندوری
Rahat Indori
Comments
Post a Comment