Har shakhs pareshan hai, ghhabraya hua hai Mehtab bari der se gehnaya hua hai

ہر شخص پریشان ہے، گھبرایا ہوا ہے
مہتاب بڑی دیر سے گہنایا ہوا ہے
Har shakhs pareshan hai, ghhabraya hua hai
Mehtab bari der se gehnaya hua hai

ہے کوئی سخی اس کی طرف دیکھنے والا
یہ ہاتھ بڑی دیر سے پھیلایا ہوا ہے
Hai koi sakhi is ki taraf dekhne wala
Ye hath bari der se phailaya hua hai

حصہ ہے کسی اور کا اس کار زیاں میں
سرمایہ کسی اور کا لگوایا ہوا ہے
Hissa hai kisi aur ka is kaar e ziyan mein
Sramaya kisi aur ka lagwaya hua hai

سانپوں میں عصا پھینک کے اب محو دعا ہوں
معلوم ہے دیمک نے اسے کھایا ہوا ہے
Sanpon mein asaa phenk ke ab mehv e dua hoon
Maloom hai deemak ne isay khhaya hua hai

دنیا کے بجھانے سے بجھی ہے، نہ بجھے گی
اس آگ کو تقدیر نے دہکایا ہوا ہے
Duniya ke bujhane se bujhi hai, na bujhe gi
Is aag ko taqdeer ne dehkaya hua hai

کیا دھوپ ہے جو ابر کے سینے سے لگی ہے
صحرا بھی اسے دیکھ کے شرمایا ہوا ہے
Kia dhoop hai jo abr ke seene se lagi hai
Sehra bhi isay dekh ke sharmaya hua hai

اصرار نہ کر، میرے خرابے سے چلا جا
مجھ پر کسی آسیب کا دل آیا ہوا ہے
Israr na kar, mere kharabe se chala ja
Mujh par kisi aseb ka dil aya hua hai

تو خواب دگر ہے، تری تدفین کہاں ہو
دل میں تو کسی اور کو دفنایا ہوا ہے
Tu khwab e digar hai, teri tadfeen kahan ho
Dil mein to kisi aur ko dafnaya hua hai

فیصل عجمی
Faisal Ajmi