Hawa chalti hai dam thehra hua hai Fiza mein kis ka gham thehra hua hai

ہوا چلتی ہے دم ٹھہرا ہوا ہے
فضا میں کس کا غم ٹھہرا ہوا ہے
Hawa chalti hai dam thehra hua hai
Fiza mein kis ka gham thehra hua hai

تصور میں ابھرتے خال و خد پر
مصور کا قلم ٹھہرا ہوا ہے
Tasavvur mein ubherte khal o khad par
Musavvir ka qalam thehra hua hai

اسی کو اپنی منزل کہہ رہا ہے
جہاں جس کا قدم ٹھہرا ہوا ہے
Usi ko apni manzil keh raha hai
Jahan jis ka qadam thehra hua hai

سماعت کے جزیروں میں کہیں پر
ترے لہجے کا رم ٹھہرا ہوا ہے
Sama’at ke jazeeron mein kahin par
Tere lehje ka ram thehra hua hai

ذرا ٹھہرو کہ چلتی ہے ابھی سانس
چلے آؤ کہ دم ٹھہرا ہوا ہے
Zara thehro ke chalti hai abhi sans
Chale aao ke dam thehra hua hai

مرے خوابوں کے رخساروں پہ اب تک
کسی بوسے کا نم ٹھہرا ہوا ہے
Mere khwabon ke rukhsaron pe ab tak
Kisi bose ka nam thehra hua hai

سرفراز زاہد
Sarfaraz Zahid