Jhoot Chehre Peh Sajana Nahi Aaya Mujh Ko Zindagi Tujh Ko Batana Nahi Aaya Mujh Ko

جھوٹ چہرے پہ سجانا نہیں آیا مجھ کو
زندگی تجھ کو بتانا نہیں آیا مجھ کو
Jhoot Chehre Peh Sajana Nahi Aaya Mujh Ko
Zindagi Tujh Ko Batana Nahi Aaya Mujh Ko
رہ کے دنیا میں بھی سیکھی نہیں دنیا داری
کر کے احسان جتانا نہیں آیا مجھ کو

دنیا تھیٹر ہے تو ناکام اداکار ہوں میں
کوئی کردار نبھانا نہیں آیا مجھ کو

ایک ہی شخص کی خواہش میں رہا سرگرداں
در بدر خاک اڑانا نہیں آیا مجھ کو

لطف تو جب تھا وہ خود کرتا محبت محسوس
کہہ کر احساس دلانا نہیں آیا مجھ کو

کچھ تو یہ دل بھی ہے تنہائی پسند اور اس پر
عمر بھر دوست بنانا نہیں آیا مجھ کو

تُو سمجھتا ہے کہ میں ترکِ تعلق پہ ہوں خوش
روٹھنے والے  منانا نہیں آیا مجھ کو
یاسین عاطر
Yaseen Aatir