Khud hi girift e gham se khushi chhoot jaae gi Giriya karoon ga aur hansi chhoot jaae gi

خود ہی گرفتِ غم سے خوشی چُھوٹ جائے گی
گریہ کروں گا اور ہنسی چُھوٹ جائے گی
Khud hi girift e gham se khushi chhoot jaae gi
Giriya karoon ga aur hansi chhoot jaae gi

ہاتھوں میں اتنی رسّیاں تھامے ہوئے ہوں میں
چھوڑوں گا کوئی اور کوئی چُھوٹ جائے گی
Hathon mein itni rassiyan thaame huay hoon main
Chhoroon ga koi aur koi chhoot jaae gi

دِل ہی سے آ کے لگتی ہے یہ رہگُزار بھی
گھر چھوڑ دُوں تو خُود ہی گلی چُھوٹ جائے گی
Dil hi se aa ke lagti hai ye rehguzaar bhi
Ghar chhor doon to khud hi gali chhoot jaae gi

آزاد کر رہا ہوں میں زنجیرِ خواب کو
جو رہ گئی ہے، وہ بھی کڑی چُھوٹ جائے گی
Azad kar raha hoon main zanjeer e khwab ko
Jo reh gaiy hai wo bhi kari chhoot jaae gi

مچھلی کی طرح تیرتی رہتی ہے دِل میں یاد
ہاتھ آئے گی یونہی تو یونہی چُھوٹ جائے گی
Machhli ki tarah tairti rehti hai dil mein yad
Hath aye gi younhi to younhi chhoot jaae gi

اک روز سیکھ لوں گا میں چلنا ترے بغیر
اک روز ہاتھ سے یہ چھڑی چُھوٹ جائے گی
Ek roz seekhh loon ga main chalna tere baghair
Ek roz hath se ye chhari chhoot jaae gi

بیٹھا ہُوا ہوں کب سے زمانے کی ریل میں
لگتا ہے پھر بھی جیسے ابھی چُھوٹ جائے گی
Baitha hua hoon kab se zamane ki rail mein
Lagta hai phir bhi jaise abhi chhoot jaae gi

سعید شارقؔ
Saeed Shaariq