Kon Jawab Ki Wehshat Jheely Bhugty Kon Sawal e Dil Main Ne Us Se Hal Na Poocha , Us Ne Mujh Se Hal e Dil

کون جواب کی وحشت جھیلے بھگتے کون سوالِ دل
میں نے اس سے حال نہ پوچھا، اس نے مجھ سے حالِ دل
Kon Jawab Ki Wehshat Jheely Bhugty Kon Sawal e Dil
Main Ne Us Se Hal Na Poocha , Us Ne Mujh Se Hal e Dil
تم جس پر بھی ہاتھ رکھو سمجھو وہ چیز تمھاری ہے
یہ رکھی ہیں آنکھیں، یہ انکھوں کے خواب، خیالِ دل

آئینے سے بات تو ہے پر کتنا اور دروغ سنوں
کہتا ہے کہ چھو کر دیکھوں، چہرہ، لمس، جمالِ دل

وہ بھی مجھ کو پڑھ نہیں پایا، میں بھی کچھ نہ جان سکی
اس کو چہرہ مانع آیا مجھ کو یار زوالِ دل

دیکھو اب کس کی جھولی میں پڑتے ہیں یہ جیت کے پھول
ایک طرف ہے میری انا اور ایک طرف احوالِ دل

آپ فرح، میں آپ مخاطب تھی سہمی خاموشی سے
کمرے میں آواز نہ گونجی کوئی اور  مثالِ دل
فرح گوندل
Farah Gondal