Poocho Gy Toh Khul Jayegi Zakhmon Ki Zuban Aur Pusish Toh Guzarti Hai Gham Dil Peh Garan Aur

پوچھو گے تو کھل جائے گی زخموں کی زباں اور
پرسش تو گزرتی ہے غم دل پہ گراں اور
Poocho Gy Toh Khul Jayegi Zakhmon Ki Zuban Aur
Pusish Toh Guzarti Hai Gham Dil Peh Garan Aur
منظور جلانا ہے تو اک بار جلا دو
یوں دل کے سلگنے سے تو اٹھتا ہے دھواں اور

خاموشی نے رسوائی کے گل اور کھلائے
دفنایا محبت کو تو ابھرے ہیں نشاں اور

اس جیسا زمانے میں کوئی ایک تو ہوتا
اس در سے اٹھیں، اٹھ کے مگر جائیں کہاں اور

چومے گا ترے پاؤں کو خود مرکز امید
ہاں رقص میں آ، رقص میں آ عمر رواں اور

تا عمر سنا کیجیے اب  نغمۂ خاموش
کہتے نہ تھے نازک ہے، نہ چھیڑو رگ جاں اور