Usay bhi zakhm koi de magar rafu na kare Khuda usay meri halat mein hubahu na kare

اُسے بھی زَخم کوئی دے مَگَر رَفُو نہ کرے
خُدا اُسے مِری حالت میں ہُو بہُو نہ کرے
Usay bhi zakhm koi de magar rafu na kare
Khuda usay meri halat mein hubahu na kare

وہ میرے سامنے بیٹھا تھا اِس لِیے خاموش
کسی طرح سے وہ آغازِ گُفتگُو نہ کرے
Wo mere samne baitha tha is liye khamosh
Kisi tarah se wo aghaz e guftugu na kare

وہ میرے دل میں ہے لیکن یہ اُس کی خواہش ہے
کہ میرا دل ہی کبھی اُس کی آرزُو نہ کرے
Wo mere dil mein hai lekin ye us ki khwahish hai
Ke mera dil hi kabhi us ki arzu na kare

وہ اپنی جان کے دَرپَے ہے ترکِ اُلفت میں
مِری دُعا ہے خدا اُس کو سُرخرُو نہ کرے
Wo apni jan ke darpai hai tark e ulfat mein
Meri dua hai Khuda us ko surkhru na kare

کبھی مِلا تو اُسے صِرف اتنا کہنا ہے
جو عہد مجھ سے کیا پِھر کِسی سے تُو نہ کرے
Kabhi mila to usay sirf itna kehna hai
Jo ehd mujh se kiya phir kisi se tu na kare

اسے بجا ہے کہ تَخفِیفِ اِلتِفات کرے
مگر وہ ذکرِ تغافُل تو کُو بہ کُو نہ کرے
Usay bajaa hai ke takhfeef e altifat kare
Magar wo zikr e taghaful to ku ba ku na kare

میں بد گُماں نہ رہوں کیا مگر رَوا ہے اُسے
مِرے گُماں کا کبھی پاسِ آبرُو نہ کرے
Main bad guman na rahoon kia magar rava hai usay
Mere guman ka kabhi paas e abru na kare

وہ چاہتا ہے کہ میں اُس میں گُم رہوں کاوِش
مگر وہ خود کو کبھی میرے رُوبرُو نہ کرے
Wo chahta hai ke mainus mein gum rahoon Kawish
Magar wo khud ko kabhi mere rubaru na kare

سلیم کاوش
Saleem Kawish