Wo oak shakhs ke ba’is mere zawal ka tha Zameen se milta hua rang us ke jaal ka tha

وہ ایک شخص کہ باعث مرے زوال کا تھا
زمیں سے ملتا ہوا رنگ اس کے جال کا تھا
Wo oak shakhs ke ba’is mere zawal ka tha
Zameen se milta hua rang us ke jaal ka tha

دل و نگاہ میں جھگڑا بھی منفرد تھا مگر
جو فیصلہ ہوا، وہ بھی بڑے کمال کا تھا
Dil o nigah mein jhagra bhi munfarid tha magar
Jo faisla hua wo bhi bare kamal ka tha

میں جان دینے کا دعویٰ وہاں پہ کیا کرتا
جو مسئلہ اسے درپیش تھا، مثال کا تھا
Main jan dene ka dawa wahan pe kia karta
Jo masala usay darpesh tha misal ka tha

میں چاہتا تھا کہ وہ خودبخود سمجھ جائے
تقاضہ اس کی طرف سے مگر سوال کا تھا
Main chahta tha ke wo khud ba khad samajh jaae
Taqaza us ki taraf se magar sawal ka tha

یہ اور بات کہ بازی اسی کے ہاتھ رہی
وگرنہ فرق تو لے دے کے ایک چال کا تھا
Ye aur bat ke bazi usi ke hath rahi
Wagarna farq to ke de ke aik chaal ka tha

تمام عمر گنوا دی جسے بھلانے میں
وہ نصف ماضی کا قصہ تھا، نصف حال کا تھا
Tamam umr ganwa di jise bhulane mein
Wo nisf mazi ka qissa tha, nisf haal ka tha

میں پہلے زخم پہ چونکا تھا درد سے لیکن
پھر اس کے بعد کسے ہوش اندمال کا تھا
Main pehle zakhm pe chaunka tha dard se lekin
Phir us ke baad kise hosh indimal ka tha

انعام الحق جاوید
Inam Ul Haq Javed