Soye Kahan The Aankhoon Ne Takiye Bhigoye The, Hum Bhi Kabhi Kisi K Liye Khoob Roye The

Poet Basheer Badar

Type By
Uroosa Emaan

Soye Kahan The Aankhoon Ne Takiye Bhigoye The,

Hum Bhi Kabhi Kisi K Liye Khoob Roye The,

Angnaai Mein Kharre Huye Beri K Pairr Se,

Wo Log Chalte Waqat Gale Mil K Roye The,

Har Saal Zarad Phooloun Ka Ik Qafla Ruka,

Us Ne Jahaan Pe Dhool Utte Paoun Dhoye The,

Us Haadse Se Mera Tal,uq Nahi Koi,

Mele Mein Aik Saal Kai Bache Khoye The,

Aankhoon Ki Kashtiyoun Mein Safar Kar Rahe Hain Wo,

Jin Dostoun Ne Dil K Safeene Duboye The,

Kal Raat Main Tha Mere Ilawaa,h Koi Na Tha,

Shetaan Mar Gaya Tha Farishte Bhi Soye The............!