Jab Se Too Ne Mujhe Deewana Banaa Rakha Hai, Sang Har Shakhas Ne Haathon Main Uthaa Rakha Hai

Poet: Hakeem Mohammad Nasir

Type By
*._.Murtaza._*

Jab Se Too Ne Mujhe
Deewana Banaa
Rakha Hai,

Sang Har Shakhas Ne
Haathon Main Uthaa
Rakha Hai,

Us Ke Dil Par Bhi Karri
ISHQ Main Guzri Hogi,

Naam Jis Ne Bhi
Mohabbat Ka Sazaa
Rakha Hai,

Patharo Aaj Mere Sar
Pe Barasste Kyun Ho,

Main Ne Tum Ko Bhi
Kabhi Apna Khudaa
Rakha Hai,

Ab Meri Deed Di Dunia
Bhi Tamasha'ee Hai,

Too Ne Kia Mujh Ko
Mohabbat Main Banaa
Rakha Hai,

Gham Nahi Gull Jo
Kiye Ghar Ke Hava'on
Ne Charaagh,

Hum Ne DIL Ka Bhi
Diyaa Aik Jalla Rakha
Hai,

Pee Jaa Ayaam Ki
Talkhi Ko Bhi Hanss
Ke "Nasir",

Gham Ko Sehne Main
Bhi Qudrat Ne Mazaa
Rakha Hai..................!