Shehr e Khayaal o Khwaab Mei Abaad Ho Gaya Itna Usey Parhaa Ke Mujhe Yaad Ho Gaya

Shehr e Khayaal o Khwaab Mei Abaad Ho Gaya

Itna Usey Parhaa Ke Mujhe Yaad Ho Gaya

Mai Aaj Tak Hun Jis Ke Fareb o Hisaar Mei

Wo Aur Hi Kisi Ka Merey Baad Ho Gaya

Andhi Hawa Ka Saath Nibhaney Ke Shoq Mei

Koi Tabaah Hua Koi Barbaad Ho Gaya

Apni To Saari Umer Aseeri Mei Kat Gai

Jis Ne Bhi Haar Maan Li, Azaad Ho Gaya

Pehle To Tanhayion Se Rahi Guftugoo Meri

Phir Yun Hua Ke Aaina Eejad Ho Gaya