Chaman Chaman Fareeb_E_ Rang O Bo Hai Aur Kuch Nahi Bas Ik Jamal-E-Khaam Chaar Sou Hai Aur Kuch Nahi

Chaman Chaman Fareeb_E_ Rang O Bo Hai Aur Kuch Nahi
Bas Ik Jamal-E-Khaam Chaar Sou Hai Aur Kuch Nahi

Qafas Mein Aashiyaan Ka Naam Sun Ke Mutmaen Na Ho
Yeh Baghban Ka Husn-E-Guftagu Hai Aur Kuch Nahi

Khumar Hai Kahan Ke Dil Ki Tashnagi Bujhaiye
Is Anjuman Mein Saya-E-Subu Hai Aur Kuch Nahi

Tumhen Gulon Ki Be Basi Mein Husn Ki Talaash Hai
Yeh Justojoo Baraye Justojoo Hai Aur Kuch Nahi

Khatak Rahi Hai Jo Abhi Zamir-E-Kaayenaat Mein
Luti Hui Bashar Ki Aabaroo Hai Aur Kuch Nahi

Qateel Shifai