Yam e Mazdoor Da Nan Bazar Ke Mazdori Dera Da Du Cha Khabara Che Zamonga Majbori Dera Da

یومِ مزدور

یـومِ مـــزدور ده نـن بازار کـــښې مزدوری ډېره ده
دَ چــــا خـــــبره چــــې زمــــونږه مجبوری ډېره ده

لیــک دَ تقـدیر دے دَ تقـدیر پۀ لیــک به صـبر کووم
زمونږ قسمت کښې ئې لیکلې جوړ خواری ډېره ده
دَ ورځــې کار کووم دَ شــپې دَ کور څــوکۍ کوومه
دَ کـور عــزت ســــــاتمه دَلــــــته غـــلاګری ډېره ده
مــــاشـــومـــې لُـــور راته نن اُوې بابا کار له مۀ ځه
څوک به دِ مړ کړی بابا ښار کښې ترخګری ډېره ده
مـــــا ورته وې لُورِې دَ کار نه بغــــــېر کار نۀ کیږی
زمـــــــا پۀ ســـــر دَ ټول ټـــــبر ذمه واری ډېره ده
یتیم دَ سکــول نه نن پټ شــوے وو نو کار له لاړۀ
مــــــاته ئې وِې زمــــا پۀ مور قرض پوری ډېره ده
ازغــے مــې مــات شـو دَ څپلو مې وو تَلِی شلېدلی
پۀ ګؤډه خپه صحرا کښې تلَـمه خو ګرمی ډېره ده
کـؤنډې وئیل چـې وَړو وَرشئ څـۀ پکـښې اُوګورئ
خــان دَ باړۍ شـــــاته غؤرځــــولې تلکاری ډېره ده
دَ کلـــی خانه تۀ دَ خـــــــېټې غم نه څــــۀ خبر ئې
پېــسې خو پرېګده ستا خو زمکه سرکاری ډېره ده
ما اَورېدلــی دی جنت کـــــښې به مــــزې ډېرې وی
مرګ ځکـــه غواړم چې دَمَه شم بې صبری ډېره ده
تا خـــو زړۀ ســــپک کړو مـونږه څلــه پۀ ژړا ژړاوِې
یه مـومـن خانه ! بس دے دومـره شاعرې ډېره ده
شاعر
مومن خان مومن  
پرمولی رزړ صوابی
پۀ ورځ دَ یومِ مزدور سمدستی وېنا ـ اولنے مئی ۲۰۱۸ء