Har baar hawa na hogi dar par Har baar magar uthon kahan tak?

Har baar hawa na hogi dar par
Har baar magar uthon kahan tak?

Saahil pe samandaron se bach kar
Main naam tera likhoon kahan tak?

Tanhaayi ka ek ek lamha
Hungaamon se qarz loon kahan tak?
Gar lams nahi tou lafz hi bhej
Main tujh se juda rahon kahan tak?
Sukh se bhi tou dosti kabhi ho
Dukh se hi galay miloon kahan tak?
Mansoob ho har kiran kisi se
Apnay hi liye jaloon kahan tak?
Aanchal mere bhar ke phat rahay hain
Phool us ke liye chunoon kahan tak?