Koi faryad tere Dil mein dabi ho jese
Tuu ne aankhon se koi baat kahee ho jese
Jaagte jaagte ik umar kati ho jese
Jan baki hai magar saans ruki ho jese
Har mulaqaat pe mehsoos yehi hota hai
Mujh se kuch Teri nazar puchh rahi ho jese
Raah chalte hue aksar ye gumaan hota hai
Wo nazar chuph ke mujhe dekh rahi ho jese
Aik lamhe mein simat aaya sadion ka safar
Zindagi taiz boht taiz chali ho jese
Iss tarah pehron tujhe sochta rehta hon main
Meri har saans tere naam likhi ho jese
No comments:
Post a Comment