Phir Raah-e-Ishq Wahi Zad-e-Safar Mangy Hai Waqt Phir Qalb-e-Tapan Deeda-e-Tar Mangy Hai

Phir Raah-e-Ishq Wahi Zad-e-Safar Mangy Hai
Waqt Phir Qalb-e-Tapan Deeda-e-Tar Mangy Hai

Sajde Maqbool Nahi Baargah-e-Naaz Mein Ab
Astan Husn Ka Sajde Nahi Sar Mangy Hai

Kis Ne Pahuncha Diya Us Hosh-Ruba Waadi Mein
Keh Jahan Wehshat-e-Dil Zad-e-Safar Mangy Hai

Meri Dunya Ke Taqazon Hi Pe Mauqoof Nahi
Deen Bhi Ek Naya Fikr-o-Nazar Mangy Hai

Ishq Ko Zawiya-e-Deed Badalna Hoga
Jalwa-e-Husn Naya Zauq-e-Nazar Mangy Hai

Sab Ki Aankhon Se Bacha Kar Jo Kabhi Loote Thy
Waqt Har Chor Se Woh La'al-o-Gohar Mangy Hai

Deen-o-Dunya Ho Keh Ho Ishq-o-Hawas Ay "Saghar"
Har Koi Khoon-e-Jigar Khoon-e-Jigar Mangy Hai

 Poet:Saghar Nizami

 
Source:
Aazadi Ke Baad Dehli Mein Urdu Ghazal Page:167