Sadiyon Ki Shab-e-Gham Ko Sahar Hum Ne Banaya Zarrat Ko Khursheed-o-Qamar Hum Ne Banaya

Sadiyon Ki Shab-e-Gham Ko Sahar Hum Ne Banaya
Zarrat Ko Khursheed-o-Qamar Hum Ne Banaya

Takhleeq Andheron Se Kiye Hum Ne Ujaley
Har Shab Ko Ik Aiwan-e-Sahar Hum Ne Banaya

Barfab Ke Seeny Mein Kia Hun Ne Charaghan
Har Mauj-e-Darya Ko Sharar Hum Ne Banaya

Shabnam Se Nahi , Rang Diya Dil Ke Laho Se
Har Khaar Ko Barg-e-Gul-e-Tar Hum Ne Banaya

Har Khaar Ke Seeny Mein Chaman Hum Ne Khilae
Har Phool Ko Firdaus-e-Nazar Hum Ne Banaya

Raftar Ko Khilte Hue Ghuncho Ki Sada Di
Har Gaam Ko Ik Khuld-e-Nazar Hum Ne Banaya

Har Rukh Se Tere Husn Ki Zau Phoot Rahi Hai
Kia Zawiya-e-Fikar-o-Nazar Hum Ne Banaya

Dhalte Hain Jahan Bada-e-Tajdeed Ke "Saghar"
Woh Mai-Kada-e-Fikar-o-Nazar Hum Ne Banaya

Poet:Saghar Nizami
Source:
Book:Aazadi ke baad dehli men urdu gazal (Page. 168)