jis sar ko garoor aj hai yan tajawari ka kal us pe yahein shor hai phir nauha-gari ka

جس سر کو غرور آج ہے یاں تاج وری کا
کل اُس پہ یہیں شور ہے پھر نوحہ گری کا
jis sar ko garoor aj hai yan tajawari ka
kal us pe yahein shor hai phir nauha-gari ka

آفاق کی منزل سے گیا کون سلامت
اسباب لٹا راہ میں یاں‌ ہر سفری کا
afaaq ki manzil se gaya kaun salamat
asbab luta rah mein yan har safri ka

زنداں میں‌ بھی شورش نہ گئی اپنے جنوں کی
اب سنگ مداوا ہے اس آشفتہ سری کا
zindan mein be shorish na gai apne junoon ki
ab sang madawa hai is ashufta sari ka

ہر زخمِ جگر داورِ محشر سے ہمارا
انصاف طلب ہے تیری بیداد گری کا
har zakhm-e-jigar dawar-e-mahshar se hamara
insaaf talab hai teri bedadgari ka

اپنی تو جہاں آنکھ لڑی پھر وہیں دیکھو
آئینے کو لپکا ہے پریشاں نظری کا
apni tou jahan aankh lari phir wahein dekho
aainay ko lapka hai pareshan nazri ka

صد موسمِ‌ گل ہم کو تہِ بال ہی گزرے
مقدور نہ دیکھا کبھو بے بال و پری کا
sad mousam e gul hum ko teh e baal hi guzray
maqdoor na dekha kabu be baal o pari ka
 
اس رنگ سے چمکے ہے پلک پر کہ کہے تو
ٹکڑا ہے مرا اشک عقیقِ جگری کا
is rang se chamke hai palak par ke kahe tu
tukra hai mera ashk aqeeq-e-jigari ka

لے سانس بھی آہستہ کہ نازک ہے بہت کام
آفاق کی اس کارگہِ شیشہ گری کا
le sans be ahista ke nazuk hai buhat kaam
afaaq ki is karagaha-e-sheeshagari ka

ٹک میرِ جگر سوختہ کی جلد خبر لے
کیا یار بھروسہ ہے چراغِ سحری کا
tuk mir-e-jigar-sokhta ki jald khabar le
kya yar bharosa hai chirag-e-sahri ka

Meer Taqi Meer