Aankhon Mein Koi Khuwaab Utarne Nahi Deta
Ye Dil K Mujhe Chain Se Marne Nahi Deta
Ye Dil K Mujhe Chain Se Marne Nahi Deta
Bicharay Tou Ajab Pyaar Jatata Hai Khaton Mein
Mil Jaye Tou Phir Had Se Guzarne Nahi Deta
Wo Shaks Khizan Rut Mein Bhi Mohtaat Rahay Kitna
Sokhay Hoye Phoolon Ko Bikharne Nahi Deta
Ik Roz Teri Pyaas Khariday Ga Woh Ghabro !
Pani Tujhe Panghat Se Jo Bharne Nahi Deta
Woh Dil Mein Tabassam Ki Kiran Gholne Wala
Roothay Tou Ruton Ko Bhi Sanwarne Nahi Deta
Mein Us Ko Manaon K Gham-e-Dehar Se Uljhon ?
Mohsin Woh Koi Kaam Bhi Karne Nahi Deta
No comments:
Post a Comment