Jaga Saky Na Tere Lab Lakeer Aisi Thi Hamare Bakht Ki Lakeer Meer Jaisi Thi

 

جگا سکے نہ ترے لب لکیر ایسی تھی
ہمارے بخت کی ریکھا بھی میرؔ ایسی تھی
Jaga Saky Na Tere Lab Lakeer Aisi Thi
Hamare Bakht Ki Lakeer Meer Jaisi Thi

یہ ہاتھ چومے گئے پھر بھی بے گلاب رہے

جو رت بھی آئی خزاں کی سفیر ایسی تھی
Ye Haath Chomay Gaye Phir Bhi Be-Gulaab Rahe

Jo Rut Bhi Aai Khizaan Ki Safeer Aisi Thi

وہ میرے پاؤں کو چھونے جھکا تھا جس لمحے

جو مانگتا اسے دیتی امیر ایسی تھی
Woh Mere Pavn Ko Choone Jhuka Tha Jis Lamhe

Jo Mangta Usey Deti Ameer Aisi Thi

شہادتیں مرے حق میں تمام جاتی تھیں

مگر خموش تھے منصف نظیر ایسی تھی
Shahadatein Mere Haq Mein Tamam Jati Thein

Magar Khamosh Thay Munsif Nazeer Aisi Thi

کتر کے جال بھی صیاد کی رضا کے بغیر

تمام عمر نہ اڑتی اسیر ایسی تھی
Kutar Ke Jaal Bhi Sayyad Ki Raza Ke Baghair

Tamam Umar Na Udti Aaseer Aisi Thi

پھر اس کے بعد نہ دیکھے وصال کے موسم

جدائیوں کی گھڑی چشم گیر ایسی تھی
Phir Uske Baad Na Dekhay Wisal Ke Mousam

Judaaion Ki Ghadi Chishm-Geer Aisi Thi

بس اک نگاہ مجھے دیکھتا چلا جاتا

اس آدمی کی محبت فقیر ایسی تھی
Bas Aik Nigaah Mujhe Dekhta Chala Jata

Us Aadmi Ki Muhabbat Faqeer Aisi Thi

ردا کے ساتھ لٹیرے کو زاد رہ بھی دیا

تری فراخ دلی میرے ویر ایسی تھی
Rida Ke Saath Lotere Ko Zaad e Raah Bhi Diya

Teri Farakh-Dili Mere Veer Aisi Thi

کبھی نہ چاہنے والوں کا خوں بہا مانگا

نگار شہر سخن بے ضمیر ایسی تھی
Kabhi Na Chahne Walon Ka Khoon-Baha Manga

Nigaar e Shehr Sukhan Be-Zameer Aisi Thi

پروین شاکر

Parveen Shakir