Tha bahut khush jo bhula ke mujh ko
Aaj roya galay laga ke mujh ko
Uss ne pehla sawaal yeh poocha
“Tum ko kaisa laga ganwa ke mujh ko
Zindagi ne to aazmaaya hai
Dekh lo tum bhi aazma ke mujh ko
Uss ne raasta badal liya apna
Pyar ki raah par chala ke mujh ko
De gaya umer bhar ke aansoon
Jo Kabhi hansta tha hansa ke mujh ko
Ajeeb shakhs tha, jaate hue woh
Khud bhi roya bahut rula ke mujh ko
Mujh ko patthar bana ke kehta hai
Jaan, dekho na muskura ke mujh ko
No comments:
Post a Comment