Bar-khilaaf-e-rivaaj hai baarish Aaj kya khush-mizaaj hai baarish!

بر خلافِ رواج ہے بارش
آج کیا خوش مزاج ہے بارش
ان سے ملنا بھی ہو سکے شاید
دھوپ میں پھر سے آج ہے بارش
کیفِ الفت کا سوزِ فرقت کا
اک حسیں امتزاج ہے بارش
ڈائری میں کسی کی یاد کے نام
آج کا اندراج ہے بارش
ابر بن کر نظر جو دھندلا دے
ایسے غم کا علاج ہے بارش
دل بھر آیا تو آنکھ چھلکے گی
ضبطِ غم کا خراج ہے بارش
وہ فلک محرمِ غمِ جاں ہے
اور اشکوں کی لاج ہے بارش
ز ر وفؔا
Bar-khilaaf-e-rivaaj hai baarish
Aaj kya khush-mizaaj hai baarish!
Unn se milna bhi ho sake shaayad
Dhoop mein phir se aaj hai baarish
Kaif-e-ulfat ka, soz-e-furqat ka
Ik haseen imtizaaj hai baarish
Diary mein kisi ki yaad ke naam
Aaj ka indiraaj hai baarish
Abr ban kar nazar jo dhundla de
Aise gham ka ilaaj hai baarish
Dil bhar aaya to aankh chhalke gi
zabt-e-gham ka khiraaj hai baarish
Wo Falak mehram-e-gham-e-jaan’ hai
Aur Ashkon ki laaj hai baarish
Zay Ray Wafa