Bujha diye hain khud apne hathon muhabbaton ke diye jalaa ke Meri wafa ne ujaar di hain umeed ki bastiyan basa ke

بجھا دیے ہیں خود اپنے ہاتھوں محبتوں کے دیئے جلا کے
مری وفا نے اجاڑ دی ہیں امید کی بستیاں بسا کے
Bujha diye hain khud apne hathon muhabbaton ke diye jalaa ke
Meri wafa ne ujaar di hain umeed ki bastiyan basa ke

 
تجھے بھلا دیں گے اپنے دل سے یہ فیصلہ تو کیا ہے لیکن
نہ دل کو معلوم ہے، نہ ہم کو، جئیں گے کیسے تجھے بھلا کے
Tujhe bhula den ge apne dil se ye faisla to kiya hai lekin
Na dil ko maloom hai, na hum ko, jiyen ge kaise tujhe bhula ke

 
کبھی ملیں گے جو راستے میں تو منہ پھرا کر پلٹ پڑیں گے
کہیں سنیں گے جو نام تیرا تو چپ رہیں گے نظر جھکا کے
Kabhi milen ge jo raaste mein to munh phir a kar palat paren ge
Kahin sunen ge jo naam tera to chup rahen ge nazar jhuka ke

 
نہ سوچنے پر بھی سوچتا ہوں کہ زندگانی میں کیا رہے گا
تری تمنا کو دفن کر کے، ترے خیالوں سے دور جا کے
Na sochne par bhi sochta hoon ke zindagani mein kia rahe ga
Teri tamanna ko dafn kar ke tere khayalon se door ja ke

 
ساحِرؔ لدھیانوی
Sahir Ludhyanvi