Pardah Chehre Se Utha , Anjuman Aaraai Kar Chisham Mehar o Mah o Anjum Ko Tamashai Kar

پردہ چہرے سے اٹھا ، انجمن آرائي کر
چشم مہر و مہ و انجم کو تماشائي کر
Pardah Chehre Se Utha , Anjuman Aaraai Kar
Chisham Mehar o Mah o Anjum Ko Tamashai Kar
تو جو بجلي ہے تو يہ چشمک پنہاں کب تک
بے حجابانہ مرے دل سے شناسائي کر

نفس گرم کي تاثير ہے اعجاز حيات
تيرے سينے ميں اگر ہے تو مسيحائي کر

کب تلک طور پہ دريوزہ گرمي مثل کليم
اپني ہستي سے عياں شعلہ سينائي کر

ہو تري خاک کے ہر ذرے سے تعمير حرم
دل کو بيگانہ انداز کليسائي کر

اس گلستاں ميں نہيں حد سے گزرنا اچھا
ناز بھي کر تو بہ اندازئہ رعنائي کر

پہلے خوددار تو مانند سکندر ہو لے
پھر جہاں ميں ہوس شوکت دارائي کر

مل ہي جائے گي کبھي منزل ليلي اقبال
کوئي دن اور ابھي باديہ پيمائي کر

علامہ اقبال
Allama Iqbal