Mere Liye Yeh Takaluf , Yeh Dukh , Yeh Hasrat Kyun? Meri Nigah e Talab , Aakhiri Nigah Na Thi
"میں نہیں تو کیا"
''Main Nahi Tou Kia''
میرے لیے یہ تکلف، یہ دُکھ، یہ حَسرت کیوں؟
میری نگاہِ طلب، آخری نگاہ نہ تھی
Mere Liye Yeh Takaluf , Yeh Dukh , Yeh Hasrat Kyun?
Meri Nigah e Talab , Aakhiri Nigah Na Thi
حیات زارِ جہاں کی طویل راہوں میں
زار دیدۂ حیراں فسُوں بکھیریں گے
ہزار چشمِ تمنا بنے گی دستِ سوال
نکل کے خلوتِ غم سے نظر اٹھاؤ تو
وہی شَفق ہے، وہی ضَو ہے، میں نہیں تو کیا؟
میرے بغیر بھی تم کامیابِ عشرت تھیں
میرے بغیر بھی آباد تھے نشاط کدے
میرے بغیر بھی تم نے دیے جلائے ہیں
میرے بغیر بھی دیکھا ہے ظلمتوں کا نُزول
میرے نہ ہونے سے اُمید کا زیاں کیوں ہو
بڑھی چلو مئے عشرت کے جام چَھلکاتی
تمہاری سیج تمہارے بدن کے پُھولوں پر
اُسی بہار کا پرتَو ہے میں نہیں تو کیا؟
میرے لیے یہ اُداسی یہ سوگ کیوں آخر؟
ملیح چہرے پہ گردِ فسردگی کیسی؟
بہار غازہ سے عارض کو تازگی بخشو
علیل آنکھوں میں کاجل لگاؤ رنگ بھرو
سیاہ جُوڑے میں کلیوں کی کہکشاں گوندھو
ہزار ہانپتے سینے ہزار کانپتے لب
تمہاری چشمِ توجہ کے منتظر ہیں ابھی
جَلو میں نغمہ و رنگ و بہار و نُور لیے
حیات گرم تگ و دو ہے میں نہیں تو کیا؟
ساحر لدھیانوی
Sahir Ludhianvi
Comments
Post a Comment