Fiza maghmoom hai saqi, utha chhalkayen paimana Andhera barh chala hai la zara qindeel e paimana

فضا مغموم ہے ساقی، اٹھا چھلکائیں پیمانہ
اندھیرا بڑھ چلا ہے لا ذرا قندیل پیمانہ
Fiza maghmoom hai saqi, utha chhalkayen paimana
Andhera barh chala hai la zara qindeel e paimana

بہ فیض زندگی گزرے ہیں ایسے مرحلوں سے ہم
کہ اپنے راستے میں اب نہ بستی ہے، نہ ویرانہ
Ba faiz e zindagi guzre hain aise marhalon se hum
Ke apne raaste mein ab na basti hai na veerana

بس اتنی بات پر دشمن بنی ہے گردش دوراں
خطا یہ ہے کہ چھیڑا کیوں تری زلفوں کا افسانہ
Bas itni bat pe dushman bani hai gardish e dauran
Khataa ye hai ke chhera kyun teri zulfon ka afsana

چراغ زندگی کو ایک جھونکے کی ضروت ہے
تمہیں میری قسم ہے، پھر ذرا دامن کو لہرانا
Charagh e zindagi ko aik jhaunke ki zarurat hai
Tumhen meri qasam hai, phir zara daman ko lehrana

دلوں کو شوق سے روندو، خرام ناز فرماؤ
اگر محشر ہوا تو پھر مجھے مجرم نہ ٹھہرانا
Dilon ko shauq se raundo kharam e naz fermao
Agar mehshar hua to phir mujhe mujrim na thehrna

تیری محفل میں ساغرسا بھی کوئی اجنبی ہو گا
یہ ظالم ایک مدت سے نہ اپنا ہے نہ بیگانہ
Teri mehfil mein Saghar sa bhi koi ajnabi ho ga
Ye zalim aik muddat se na apna hai, na begana

ساغر صدیقی
Saghar Siddiqui