Jufa o Jor Ki Dunya Sanwar Di Hum Ne Zahy Naseeb Keh Hans Ke Guzar Di Hum Ne
جفا و جور کی دنیا سنوار دی ہم نے
زہے نصیب کہ ہنس کے گزار دی ہم نے
Jufa o Jor Ki Dunya Sanwar Di Hum Ne
Zahy Naseeb Keh Hans Ke Guzar Di Hum Ne
کلی کلی ہمیں حیرانیوں سے تکتی ہے
کہ پت جَھڑوں میں صدائے بہار دی ہم نے
خیالِ یار کی رنگینیوں میں گم ہو کر
جمالِ یار کی عظمت نکھار دی ہم نے
اسے نہ جیت سکے گا غمِ زمانہ اب
جو کائنات ترے در پہ ہار دی ہم نے
وہ زندگی کہ جسے زندگی سے نسبت تهی
تمہاری زلف پریشاں پہ وار دی ہم نے
کچھ ایسا سرد ہوا جذبہِ وفا ساغر ؔ
خود اپنی ذات کو ہنس ہنس کے خار دی ہم نے
ساغرؔ صدیقی
Saghar Siddiqui
Comments
Post a Comment