Ae Da Zrru Sultana ! Tu Da Zrru Sultan Da Cha Ye? Sta Ranzoran Der Di Waya Ta Darman Da Cha Ye?
اے د زړهٔ سلطانه! تهٔ د زړهٔ سلطان د چا يې؟
ستا رنځوران ډېر دي وايه تهٔ درمان د چا یې؟
Ae Da Zrru Sultana ! Tu Da Zrru Sultan Da Cha Ye?
Sta Ranzoran Der Di Waya Ta Darman Da Cha Ye?
اور د اننګو دې څوک پاخهٔ کړل څوک يې وسول
اے پهٔ مخ آتشه! سود د چا، تاوان د چا یې؟
ډېر دي ميخانې لره ورځي د شونډو جام له
وايه تهٔ خاصه ساقي د چا، مغان د چا يې؟
ډېر درته خراب زړونه کباب پهٔ طمع ناست دي
یاره شرابخوره تهٔ مېلمه پهٔ خوان د چا یې؟
هر څوک دې پهٔ ځار او پهٔ قربان او پهٔ جان بولي
جان خو بېشک جان یې ولې وایه جان د چا یې؟
پټ دي کهٔ ښکاره دي مئین ټول پهٔ تا ډاډه دي
ووایه څرګند، ظاهر د چا، پنهان د چا یې؟
خلک درته خانه خانه وایي چاپلوسي کړي
وزمایه خپل حکم چې پهٔ صدق خان د چا یې؟
زهٔ درپسې درسته شپه پټ ژاړم لکه پرخه
تهٔ سبا خندان لکه ګل واز ګرېوان د چا یې؟
علي خان بابا
Ali Khan Baba
Comments
Post a Comment