Besakhta Nigah Ka Asar Der Tak Raha Atish Na Reh Saky Yeh Sharar Der Tak Raha

بے ساختہ نگاہ کا اثر دیر تک رہا
آتش نہ رہ سکی پہ شرر دیر تک رہا
Besakhta Nigah Ka Asar Der Tak Raha
Atish Na Reh Saky Yeh Sharar Der Tak Raha
دل ٹوٹنا تو ایک ہی ساعت کی بات تھی
دل ٹوٹنے کا درد مگر دیر تک رہا

اس کو بچھڑتے خواب میں دیکھا تھا ایک شب
پھر یوں ہوا کہ خواب کا ڈر دیر تک رہا

دشمن ہوا تو ساری حدیں پار کر گیا
اک شخص جو شریکِ سفر دیر تک رہا

اب اس میں شورِ گریہ سے رونق ہے ہر گھڑی
اک دشت کا نشان جو گھر دیر تک رہا

شہرِ وفا کو چھوڑنا آسان تو نہ تھا
دریائے خوں یہ دیدۂ تر دیر تک رہا

تجدید ہو یا ترکِ تعلق رہے مدام
یہ مخمصہ بھی زیرِ نظر دیر تک رہا

یوں بار بار ملنا چلو حادثہ سہی
یہ حادثہ عزیز مگر دیر تک رہا

اس نے تو جوئے عشق میں پھینکا تھا ایک سنگ
پھر دل میں دائروں کا سفر دیر تک رہا
شگفتہ نعیم ہاشمی
Shagufta Naeem Hashimi