Da De Kali Ao Kharyo Pukhtana Wuka Da Attock Da Seend Par Gharra Gharra Larr Sha

د تراب د مرګ وصیت پۀ غور واورئ

Da TURAB Da Marg Waseeyat Pa Ghor Waorai
 

د دې کلي او ښاریو پوښتنه وکه

Da De Kali Ao Kharyo Pukhtana Wuka

د اټک د سیند پر غاړه غاړه لاړ شه

Da Attock Da Seend Par Gharra Gharra Larr Sha
 

د خټکو یوسفزو پوښتنه وکه

Da Khattacko Yousafzo Pukhtana Wuka

پۀ قرار قرار مږ یوسه صوابۍ ته

Pa Qarar Qarar Mug Yousa Swabai Ta

د یوسف او شېربانو پوښتنه وکه

Da Yousaf Ao Sherbano Pokhtana Wuka

جنازه مې ملکنډ پۀ څوکو کیږد

 د مومندو باجوړو پوښتنه وکه
 پۀ مزه مزه می کوز که اشنغر ته
 پۀ مردان کښې د کوڅو پوښتنه وکه
 زه خلیل او داودزي پۀ ما خبر که
 د ادم او د دُرخو پوښتنه وکه
 پېښور دره کوهاټ درنه هېر نۀ شـي
 د هنګو د دواوو پوښتنه وکه
 زه پۀ ټل زما د مرګ یوه ټپه شه
 د مېرلي د ورشو پوښتنه وکه
 چې د بنو مازدیګر درنه هېر نۀ شي
 د وزیرو بنوڅو پوښتنه وکه
 چې د کوټې او چمن پۀ لاره لاړ شې
 د کاکړو د پټکو پوښتنه وکه
 بیا پۀ بیړه بیړه راشه کورمې خور ته
 د هغې د سرو لاسو پوښتنه وکه
 هلته زما د ادبي سنګر یاران دي
 پۀ سده کښې د هغو پوښتنه وکه
 زه بنګش، علیشیرزیو، یورکزو ته
 د توتکې د چینارو پوښتنه وکه
 د پکتیا ټولو قامو ته لاس اوچت که
 د مننګو د ښاخو پوښتنه وکه
 د تیرا پۀ تورو غرونو به راواوړې
 د خېبر د افریدو پوښتنه وکه
 د خاطر د خاطرو به خاطر وکړې
 د حمزه د تاترو پوښتنه وکه
 د شمشاد پۀ جګو څوکو سلام وایه
 پۀ شلمان کښې د تاپو پوښتنه وکه
 هزارناو او باسول نه چې ورتېر شي
 پۀ ډاګو کښې د خېمو پوښتنه وکه
 نارنج ګل مې د پټکي هر ول کې کېږده
 ننګرهار کښې د باغو پوښتنه وکه
 د ملنګ یو څو اشعار به چاته یاد وي
 اخوا دیخوا د باندډو پوښتنه وکه
 د کُنړ په سردرو جرګه جرګه شه
 د ببهسودو دورنټو پوښتنه وکه
 پۀ لغمان کښې مهترلام بابا زیارت دے
 مازیګر د تیرګاړو پوښتنه وکه
 سیرشاهي پاچیراګام درنه هېر نۀ شي
 چپرهار کښې د ډاګو پوښتنه وکه
 د کفن پټکی می کوږ په سر راکيږده
 بیا ورځه د خوګیاڼو پوښتنه وکه
 د تور غر او د سور رود پۀ لویه لاره
 د ناري ناري برجو پوښتنه وکه
 د سپین غر د جګ دالان لاندې مې کېږده
 د څڅوبي د اوبو پوښتنه وکه
 وطنۍ شنه لوپټه پۀ ما خوره که
 د سرګړي د وښو پوښتنه وکه
 تر هغې مې خړو خاورو کې پټ نۀ کړې
 د پرېوتو دېوالو پوښتنه وکه
 تواقف می جنازې لپاره واخله
 دواړې غاړې د مورچو پوښتنه وکه
 په ما خاورې کړه انبار چی درز وانۀ ورم
 په مزار مې د ډېوو پوښتنه وکه
ارواښاد مطيع الله تراب صیب