De ke chup ki wo sadayen bewafa ke shehr mein Kar dia dastoor jaari hum ne aa ke shehr mein

دے کے چپ کی وہ صدائیں بیوفا کے شہر میں
کر دیا دستور جاری ہم نے آ کے شہر میں
De ke chup ki wo sadayen bewafa ke shehr mein
Kar dia dastoor jaari hum ne aa ke shehr mein

چائے کے دو گھونٹ لے کر اس نے آنکھیں بند کیں
چھن گئی خوشبو جہاں کی خوش ادا کے شہر میں
Chai ke do ghhoont le kar us ne ankhen band keen
Chhin gaiy khushbu jahan ki khush ada ke shehr mein

پھول دے کر ہنس پڑی گاؤں کی لڑکی اور کہا
یاد رکھنا مجھ کو تم خوابوں میں، جا کے شہر میں
Phool de kar hans pari gaon ki larki aur kaha
Yad rakhna mujh ko tum khwabon mein, ja ke shehr mein

آئینے روٹھے پڑے ہیں، عکس بھی ناراض ہیں
کھو گیا چہرہ مرا رنج و بلا کے شہر میں
Aiyne roothe pare hain aks bhi naraz hain
Khho gaya chehra mera ranj o balaa ke shehr mein

میں نے ہنس ہنس کر گزارے آنسوؤں کے دن عروج
آ گئے تھے چار دن اک دلربا کے شہر میں
Main ne hans hans kar guzare ansuon ke din Arooj
Aa gaye thay char din ek dilruba ke shehr mein

عروج درانی
Arooj Durrani