Kahein Ujdi Ujdi See Manzilein , Kahein Tooty Phooty Se Baam o Dar Yeh Wahi Dayar Hai Dosto ! Jahn Log Phirty Thy Raat Bhar
کہیں اُجڑی اُجڑی سی منزِلیں، کہیں ٹُوٹے پُھوٹے سے بام و در
یہ وہی دِیار ہے دوستو! جہاں لوگ پِھرتے تھے رات بھر
Kahein Ujdi Ujdi See Manzilein , Kahein Tooty Phooty Se Baam o Dar
Yeh Wahi Dayar Hai Dosto ! Jahn Log Phirty Thy Raat Bhar
میں بھٹکتا پِھرتا ہُوں دیر سے ، یونہی شہر شہر، نگر نگر
کہاں کھو گیا مِرا قافلہ، کہاں رہ گئے مِرے ہمسفر
جنھیں زندگی کا شعُور تھا انھیں بے زری نے بِچھا دِیا
جو گراں تھے سینۂ چاک پر، وہی بن کے بیٹھے ہیں مُعتبر
مِری بے کسی کا نہ غم کرو، مگر اپنا فائدہ سوچ لو
تمھیں جس کی چھاؤں عزِیز ہے، میں اُسی درخت کا ہُوں ثمر
یہ بجا ہے آج اندھیرا ہے، ذرا رُت بَدلنے کی دیر ہے
جو خِزاں کے خوف سے خُشک ہے، وہی شاخ لائے گی برگ و بَر
ناصر کاظمی
Nasir Kazmi
Comments
Post a Comment