Zakham Itne Toh Lagay Hon Keh Badan Choor Lagy Aadmi Ishq Mein Aisa Ho Keh Mansoor Lagy

زخم اتنے تو لگے ہوں کہ بدن چور لگے
آدمی عشق میں ایسا ہو کہ منصور لگے
Zakham Itne Toh Lagay Hon Keh Badan Choor Lagy
Aadmi Ishq Mein Aisa Ho Keh Mansoor Lagy
وہ ازل سے تری آواز کو ترسے ہوئے ہم
کوہ کوئی بھی نظر آئے _ ہمیں طور لگے

تیرے یوں گھات لگانے پہ تجھے داد مگر
تیرے سب تیر نشانے سے بہت دور لگے

انکساری کا لبادہ بھی نہ اوڑھے وہ شخص
اس سے کہیو کہ اگر ہے تو وہ مغرور لگے

میں کسی طور ثمر بار نہیں ہو پایا
ورنہ مجھ پیڑ کی شاخوں پہ کئی بور لگے

عشق میں وصل پہاڑوں کی طرح ہوتا ہے
کوئی جتنا بھی چلے اِس کی طرف، دور لگے
شاہد اقدس
Shahid Aqdas