Wo Khayal Tha Koi Dhanak Numa Ya Koi Aks Tha Mere Roo Ba Roo

 

 

Poet Wasiq Ali Athar 

 

Wo Khayal Tha Koi Dhanak Numa,

Ya Koi Aks Tha Mere Roo Ba Roo,

Jo Mujhe Har Taraf Se Too Laga,

Ya Koi Aur Tha Tere Hoo Ba Hoo,

BAYAN Mein Thi Wo Chashni,

K Mehak Raha Tha Haraf Haraf,

JAISE Khushboo'n Ki Zaban Mein,

Koi Kar Raha Ho GUFTAGOO,

NAHI Kuch Khabar K Kis Ghari,

Tere Raston Ka Sira Mila

Tere Naqsh-E-Pa Ki Talash Mein,

Lagi To Hai Meri JUSTAJOO,

BAS Dekhna Hai Kis Tarha,

Wo Jee Raha Hai Mere BAGHAIR,

Youn To Dil Mein Hai Wo Aaj Bhi,

Jise Dhoondta Hon Chaar Soo..............!