Labon Pe Phool Khiltay Hain Kisi Ke Naam Se Pehly Dilon Ke Deep Jaltay Hain Charagh-E-Shaam Se Pehly

 

Poet:Amjad Islam Amjad

 

Labon Pe Phool Khiltay Hain Kisi Ke Naam Se Pehly

Dilon Ke Deep Jaltay Hain Charagh-E-Shaam Se Pehly

Kabhi Manzar Badalnay Par Bhi Qissa Chal Nahi Pata

Kahani Khatam Hoti Hai Kabhi Anjaam Se Pehly

Yahi Taare Tumhari Aankh Ki Chilman Mein Rehty Thy

Yahi Sooraj Nikalta Tha Tumhare Baam Se Pehly

Hui Hai Shaam Jungle Main Parende Laot-ty Hon Gy

Ab Inko Kis Tarha Rokein Nawah-E-Daam Se Pehly

Ya Saare Rang Murda Thy Tumhari Shakl Ban'ny Tak

Ya Saare Harf Muhmal Thy Tumhare Naam Se Pehly

Howa Hai Wo Agar Munsif To AMJAD Ihtiyatan Hum

Saza Tasleem Kartay Hain Kisi Ilzaam Se Pehly

**********NOMI**********