Wo Khuwbsorat Larrkiyaan, Dasht-E-Wafa Ki Hirniyaan

Poet Muneer Niazi

KHALISH

Type By

*.__Ayaz Khan__.*

Wo Khuwbsorat Larrkiyaan,

Dasht-E-Wafa Ki Hirniyaan,

Shehr-E-Shab-E-Mehtaab Ki,

Be Cheen Jadugarniyaan,

Jo Badalon Mein Kho Gain,

Nazaron Se Ujhal Ho Gain,

Ab Sard Kali Raat Ko,

Aankhon Mein Gehara Gham Liye,

Ashkon Ki Behti Nehar Liye,

Gulnaar Chehre Nam Kiye,

Hasti Ki Sirhad Se Paray,

Khawabo Ki Sangeen Out Se,

Kehti Hain Mujh Ko Be Wafa,

Hum Se Bechrr Kar Kia Tujhe,

Sukh Ka Khazana Mil Gaya.......!