Barrh Gai Hai Un K Aa Jane Se Shan-E-Roz-E-Eid, Aasmaan Par Hai Dimaagh-E-Rutba-Daan-E-Roz-E-Eid

Poet Hasrat Mohani

Type

By

*_FAROOQI.54_*

Barrh Gai Hai Un K Aa Jane Se Shan-E-Roz-E-Eid,

Aasmaan Par Hai Dimaagh-E-Rutba-Daan-E-Roz-E-Eid,

Ho Raha Hai Mezbaan Mahoo-E-Tamasha-E-Jamal,

Mehmaan Be Khudi Hai Mehmaan-E-Roz-E-Eid,

Be Qarari Apni Kar Doon Un Ki Shokhi Par Nisaar,

Aur Aakhir Kia Unhein Doon Armughan-E-Roz-E-Eid,

Wo Haya Parwar Mila Kis Tarah Mujh Se Kia Kahon ?

Be Khudi Afza Hai Ya'ani Dastaan-E-Roz-E-Eid,

Be Rukhi Hai Aaj Ki Risam-E-Marwat Se Baeed,

Kuch To Kar Ay Heela Jo Paas-E-Nishaan-E-Roz-E-Eid,

Hoon Khayal-E-Khatir Ahbaab Se Zahir Mein Khush,

Warna Main Mehjoor Aur Khush Hoon Miaan-E-Roz-E-Eid,

Khatir-E-Ghamdeedah-E-HASRAT Hai Mahoo-E-Gham-E-Hanooz,

Kar Chuke Hain Baar'Ha Hum Imtihaan-E-Roz-E-Eid....................*