Waldah Marhooma Ki Yaad Main Kis Ko Ab Hoga Wattan Main Aah! Mera Intizaar, Kon Mera Khatt Na Aane Se Rahegaa Beqaraar,

Waldah Marhooma Ki
Yaad Main

Poet:Allama Muhammad
IQBAL

Type By
*._.Murtaza._*

Kis Ko Ab Hoga Wattan
Main Aah! Mera Intizaar,

Kon Mera Khatt Na
Aane Se Rahegaa
Beqaraar,

Khak-E-Marqad Par
Teri Le Kar Yeh
Fariyaad Aa'oonga,

Ab Dua'a-E-Neem
Shab Main Kis Ko Main
Yaad Aa'oonga,

Tarbeeyat Se Teri
Main Anjam Ka Hum
Qissmat Huaa,

Ghar Mere Ajdaad Ka
Sarmaa-E-Izzat Huaa,

Daftar-E-Hassti Main
Thi Zareen Waraq
Teri Hayaat,

Thi Saraapa Deen-O-
Dunia Ka Sabaq Teri
Hayaat,

Umar Bhar Teri
Mohabbat Meri
Khidmat Gar Rahee,

Main Teri Khidmat Ke
Qabil Jab Huaa, Tu
Chal Bassi,

Woh Jawan, Qaamat
Main Hai Jo Soorat-E-
Sar-O-Buland,

Teri Khidmat Se Huaa
Jo Mujh Se Barrh Kar
Behar Mand,

Karobaar-E-Zindagani
Main Woh Hum Pehlu
Mera,

Woh Mohabbat Main
Teri Tassveer, Woh
Bazoo Mera,

Tujh Ko Masl-E-Taflak
Be Dast-O-Paa Rotaa
Hai Woh,

Sabar Se Na Aashnaa
Shubha-O-Massa Rota
Hai Woh...........!

Book Name
Bang-E-Dara
Page 77-78
Se Intikhab