TUM KIA JANO ?

TUM KIA JANO ?

(A)

Tum Kia Jano?

Badey Gharon Ke Saare Bartan

Kitnay Gande Hotay Hain 

Main Dhoti Hon

Mujh Se Poocho

(B)

Tum Kia Jano?

Raat Ka Basi Khana

Utha Kar Ghar Tak Lana

Kitna Bhari Hota Hai

Main Lati Hon

Mujh Se Poocho

(C)

 Tum Kia Jano?

Is Lori Ki Ki Bhasha Ko

Jise Bhokey Bachey 

Sun Kar So Jate Hain

Main Deti Hon

Mujh Se Poocho

(D)

 Tum Kia Jano?

Ghurbat Kitni Gandi Gaali Hai

Suni Hai Tum Ne ?

Main Sunti Hon 

 Mujh Se Poocho

(E)

Tum Kia Jano ?

Sadqey Ki Roti

Khairati Paani

Kis Kalri Jheel Ka Keechad Hai

Main Khati Hon

Main Peeti Hon 

Mujh Se Poocho