Ye Dunya Hai Are Nadaan Na Iske Jaal Mein Aana Kaha Kuch Aor Jata Hai Kia Kuch Aor Jata Hai

یہ دنیا ہے ارے ناداں نہ اس کے جال میں آنا
کہا کچھ اور جاتا ہے کیا کچھ اور جاتا ہے

یہ سودا ہے نرا دھوکا نظر کا کھیل ہے سارا
دکھایا اور جاتا ہے دیا کچھ اور جاتا ہے

ہے مانا زندگی تیری مگر مرضی نہیں تیری
سو جینا اور ہوتا ہے جیا کچھ اور جاتا ہے

ترا تھا گھاو ہی ظالم طبیبوں کی خطا کیا ہے
ہوا کچھ اور گہرا جب سیا کچھ اور جاتا ہے

محبت تیری باتوں میں یہ کیسی چاشنی ہوتی
کہ مطلب اور ہوتا ہے لیا کچھ اور جاتا ہے

یہ ابرک شاعری ہے یا کہ ہے یہ دل لگی تیری
حقیقت اور ہوتی ہے بتا کچھ اور جاتا ہے
 

 اتباف ابرک

Ye Dunya Hai Are Nadaan Na Iske Jaal Mein Aana

Kaha Kuch Aor Jata Hai Kia Kuch Aor Jata Hai

Ye Soda Hai Zara Dhoka Nazar Ka Khel Hai Saara

Dekhaya Aor Jata Hai Diya Kuch Aor Jata Hai

Hai Mana Zindagi Teri Magar Marzi Nahi Teri

So Jeena Aor Hota Hai Jiya Kuch Aor Jata Hai

Tera Tha Ghao Hi Zalim Tabeebon Ki Khata Kia Hai

Howa Kuch Aor Gehra Jab Siya Kuch Aor Jata Hai

Muhabbat Teri Baton Mein Ye Kaisi Chaashni Hoti

Keh Matlab Aor Hota Hai Liya Kuch Aor Jata Hai

Ye ABRAK Shairy Hai Ya Keh Hai Ye Dil Lagi Teri

Haqeeqat Aor Hoti Hai Bata Kuch Aor Jata Hai

ATBAF ABRAK