.jpg)
دکھ اے سانوں کیڑے لگ گئے
ہجر دے منجے ویڑے لگ گئے
سکھاں کنڈ چا ساتھوں کیتی
ہاواں، ہوکے نیڑے لگ گئے
ساڈا عشق تندور نہ تایا
لوکاں دے تے پیڑے لگ گئے
جند سفر وچ راہ او ملی
پچھے میرے چیڑے لگ گئے
پرواز انا دی اینی اُچی
پَر اے تینوں کیڑے لگ گئے
رب نے کیتا کرم آخیری
پار اے ساڈے بیڑے لگ گئے
دل دا بوہا کھول او ربا
سہیل دے کنے گیڑے لگ گئے
خرم سہیل
Khurram Suhail
20 ستمبر 2023
No comments:
Post a Comment