Arz Ka Housla Nahi Milta Dil Mein Woh Walwala Nahi Milta

عرض کا حوصلہ نہیں ملتا
دل میں وہ ولولہ نہیں ملتا
Arz Ka Housla Nahi Milta
Dil Mein Woh Walwala Nahi Milta

 
عشق تو بزم ہے دوانوں کی
عقل کو داخلہ نہیں ملتا
Ishq Tou Bazm Hai Deewanon Ki
Aqal Ko Dakhla Nahi Milta

 
بد نصیبی سے کچھ پرندوں کو
عُمر بھر گھونسلہ نہیں ملتا
Bad-Naseebi Se Kuch Parendon Ko
Umar Bhar Ghosla Nahi Milta

منصفِ ازل کی ہے کیا حکمت
فی البدیہہ فیصلہ نہیں ملتا
Munsif e Azal Ki Hai Kia Hikmat
Filbadeeh Faisla Nahi Milta

پیدا کرتے ہیں مسئلے کچھ لوگ
جب کوئی مسئلہ نہیں ملتا
Paida Karte Hein Masly Kuch Log
Jab Koi Masla Nahi Milta

شعر لکھتا ہوں شعر پڑھتا ہوں
اب کوئی مشغلہ نہیں ملتا
Shair Lekhta Hon Shair Parhta Hon
Ab Koi Mashghala Nahi Milta

جسکی منزل ہو مردمی ارشد
مجھ کو وہ قافلہ نہیں ملتا
Jis Ki Manzil Ho Mardami ARSHAD
Mujh Ko Woh Qafla Nahi Milta

 
مرزا ارشد علی بیگ
Mirza Arshad Ali Baig
آڈبان پینسلوانیا
Audoban Pynsalvania