Yeh Gardish Dawam Mere Haath Mein Nahi Yeh Rakhsh e Tezgaam Mere Haath Mein Nahi

یہ گردشِ دوام میرے ہاتھ میں نہیں
یہ رخشِ تیز گام میرے ہاتھ میں نہیں
Yeh Gardish Dawam Mere Haath Mein Nahi
Yeh Rakhsh e Tezgaam Mere Haath Mein Nahi
موقع دیا گیا ہے کہ کُچھ دیر دیکھ لوں
یہ رقصِ ناتمام میرے ہاتھ میں نہیں
مبہم سی اک لکیر کِھچی تو ضرور ہے
لیکن تمہارا  نام میرے ہاتھ میں نہیں
ہے ابتداۓ عشق میں کُچھ تو دخل مرا
پر اس کا اختتام میرے ہاتھ میں نہیں
کوئی بھی اس سراے میں ٹہرا نہیں سدا
کب تک ہو یاں قیام میرے ہاتھ میں نہیں
ساقی تری نظر سے سبھی فیضیاب ہیں
اس مئکدے میں جام میرے ہاتھ میں نہیں
کیوں روز بکھرتی ہے نئی ایک کائنات
ارشد یہ اہتمام میرے ہاتھ میں نہیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon, Pennsylvania, USA