Sitara Gardishon Mein Aa Gaya Hai Jo Aanso Rok Ke Rakha Gaya Tha
ستارہ گردشوں میں آ گیا ہے
جو آنسو روک کے رکھا گیا تھا
Sitara Gardishon Mein Aa Gaya Hai
Jo Aanso Rok Ke Rakha Gaya Tha
وہ کاجل آنکھ کا پھیلا گیا ہے
میری خاکِ تمنا اُڑ رہی ہے
مجھے یعنی کہ اُڑنا آ گیا ہے
بہت دشوار، ٹیڑھی زندگی میں
میرا دل سیدھا رستہ پا گیا ہے
تمہارے نقش پھیکے پڑ گئے کیا
کہ میرا آئینہ دھندلا گیا ہے
شعورِ ذات ہے یا نامُرادی
گلِ امید کیوں مرجھا گیا ہے
سنا سکتے نہیں جو ہم کسی کو
وہی قصہ زباں پر آ گیا ہے
ہَوا چپ چاپ، دم سادھے کھڑی ہے
دیئے کا رُعب ایسا چھا گیا ہے
سامیہ ناز سیمیں
Samia Naz Seemein
Comments
Post a Comment