Ashk ankhon mein chhupate huay thak jata hoon Bojh pani ka uthate huay thak jata hoon
اشک آنکھوں میں چھپاتے ہوئے تھک جاتا ہوں
بوجھ پانی کا اٹھاتے ہوئے تھک جاتا ہوں
Ashk ankhon mein chhupate huay thak jata hoon
Bojh pani ka uthate huay thak jata hoon
پاؤں رکھتے ہیں جو مجھ پر انہیں احساس نہیں
میں نشانات مٹاتے ہوئے تھک جاتا ہوں
Pa’on rakhte hain jo mujh par unhen ehsas nahi
Main nishanat mitate huay thak jata hoon
برف ایسی کہ پگھلتی نہیں پانی بن کر
پیاس ایسی کہ بجھاتے ہوئے تھک جاتا ہوں
Barg aisi ke pighhalti nahi pani ban kar
Piyas aisi ke bujhate huya thak jata hoon
اچھی لگتی نہیں اس درجہ شناسائی بھی
ہاتھ ہاتھوں سے ملاتے ہوئے تھک جاتا ہوں
Achi lagti nahi is darja shanasaiy bhi
Hath hathon se milate huay thak jata hoon
غمگساری بھی عجب کار محبت ہے کہ میں
رونے والوں کو ہنساتے ہوئے تھک جاتا ہوں
Ghamgusari bhi ajab kaar e muhabbat hai ke main
Rone walon ko hansate huya thak jata hoon
اتنی قبریں نہ بناؤ میرے اندر محسن
میں چراغوں کو جلاتے ہوئے تھک جاتا ہوں
Itni qabren na banao mere andar Mohsin
Main charaghon ko jalate huay thak jata hoon
محسن نقوی
Mohsin Naqvi
Comments
Post a Comment