Khwab ke jazeeron par ek diya jalana tha Aur phir hawaon ko raasta batana tha

خواب کے جزیروں پر اِک دیا جلانا تھا
اور پھر ہواؤں کو راستہ بتـانا تھا
Khwab ke jazeeron par ek diya jalana tha
Aur phir hawaon ko raasta batana tha

درد کی فصیلوں تک یہ چراغ ِ جاں لے کر
ہمسفر کے دھوکے میں ہم کو تنہا جانا تھا
Dard ki faseelon tak ye charagh e jan le kar
Humsafar ke dhoke mein hum ko tanha jana tha

اپنے سر کی چادرکو تھام کر مجھے تنہا
سر اُٹھا کےچلنا تھا، خود کوبھی بچانا تھا
Apne sar ki chadar ko thaam kar mujhe tanha
Sar utha ke chalna tha, khud ko bhi bachana tha

اس نےروتی آنکھوں کوچوم کرقسم دی تھی
اب تو مجھ کو جیون بھر صرف مسکرانا تھا
Us ne roti ankhon ko choom kar qasam di thi
Ab to mujh ko jeevan bhar sirf muskurana tha

جس کی سرخ اینٹوں سے ناگ لپٹے رہتے تھے
مجھ کو اُس حویلی میں آشیاں بنانا تھا
Jis ki surkh eenton se naag lipte rehte thay
Mujh ko us haveli mein ashiyan banana tha

کیا خبرتھی برسوں سےجل رہا ہے جو دل میں
اُس چراغ نے آخر میرا گھر جلانا تھا
Kia khabar thi barson se jal raha hai jo dil mei
Us charagh ne akhir mera ghar jalana tha

عشق کی مسافت میں بے ریا محبت کو
ہم نے یاد رکھنا تھا، تم نے بھول جانا تھا
Ishq ki musafat mein be reya muhabbat ko
Hum ne yad rakhna tha, tum ne bhool jana tha

اس کا ساتھ کیا ملتا ہم فقیر لوگوں کو
قسمتوں کی بازی میں ہم کو ہار جانا تھا
Us ka sath kia milta hum faqeer logon ko
Qismaton ki bazi mein hum ko haar jana tha

جیتنا ہی مشکل تھا اس سفر میں ایماں کہ
اک طرف میں تنہا تھی،ِ اک طرف زمانہ تھا
Jeena hi mushkil tha is safar mein Eeman ke
Ek taraf main tanha thi, ek taraf zamana tha

ایمان قیصرانی
Eeman Qaisrani