Aisa Aik Muqam Ho Jis Mein Dil Jaisi Weerani Ho Yadon Jaisi Tez Hawa Ho Dard Se Gehra Pani Ho

ایسا ایک مقام ہو جس میں دل جیسی ویرانی ہو
یادوں جیسی تیز ہوا ہو درد سے گہرا پانی ہو
Aisa Aik Muqam Ho Jis Mein Dil Jaisi Weerani Ho
Yadon Jaisi Tez Hawa Ho Dard Se Gehra Pani Ho
ایک ستارہ روشن ہو جو کبھی نہ بجھنے والا ہو
رستہ جانا پہچانا ہو رات بہت انجانی ہو

وہ اک پل جو بیت گیا، اس میں ہی رہیں تو اچھا ہے
کیا معلوم جو پل آئے وہ فانی ہو، لافانی ہو

منظر دیکھنے والا ہو پر کوئی نہ دیکھنے والا ہو
کوئی نہ دیکھنے والا ہو اور دور تلک حیرانی ہو

ایک عجیب سماں ہو جیسے شعر منیرؔ نیازی کا
ایک طرف آبادی ہو اور ایک طرف ویرانی ہو
اکبر معصوم
Akbar Masoom