Halat Haal Mein Kia Ro Ke Sunaoun Tujh Kar Toh Nazar Aaye Toh Palkon Peh Bethaoun Tujh Ko

حالت حال میں کیا رو کے سناؤں تجھ کو
تو نظر آئے تو پلکوں پہ بٹھاؤں تجھ کو
Halat Haal Mein Kia Ro Ke Sunaoun Tujh Kar
Toh Nazar Aaye Toh Palkon Peh Bethaoun Tujh Ko
خود کو اس ہوش میں مدہوش بنانے کے لیے
آیت حسن پڑھوں دیکھتا جاؤں تجھ کو

تو نہیں مانتا مٹی کا دھواں ہو جانا
تو ابھی رقص کروں، ہو کے دکھاؤں تجھ کو

کر لیا ایک محبت پہ گزارا میں نے
چاہتا تھا کہ میں پورا بھی تو آؤں تجھ کو

اب مرا عشق دھمالوں سے کہیں آگے ہے
اب ضروری ہے کہ میں وجد میں لاؤں تجھ کو

کیوں کسی اور کی آنکھوں کا قصیدہ لکھوں
کیوں کسی اور کی مدحت سے جلاؤں تجھ کو

عین ممکن ہے ترے عشق میں ضم ہو جاؤں
اور پھر دھیان کی جنت میں نہ لاؤں تجھ کو

اس نے اک بار مجھے پیار سے بولا تھا سعیدؔ
میرا دل ہے کبھی سینے سے لگاؤں تجھ کو
مبشر سعیدؔ
Mubashir Saeed