Hum Tadapty Hi Rahe Aur Woh Aaya , Na Gaya Us Se Itna Sa Ta'aluq Toh Nebhaya Na Gaya

ہم تڑپتے ہی رہے اور وہ آیا، نہ گیا
اس سے اتنا سا تعلق تو نبھایا نہ گیا
Hum Tadapty Hi Rahe Aur Woh Aaya , Na Gaya
Us Se Itna Sa Ta'aluq Toh Nebhaya Na Gaya
خوفِ رسوائیء انکار نے لب سی ڈالے
ہم سے افسانۂ دل ان کو سنایا نہ گیا

انتہا تھی یہ محبت کی ہماری شاید
بیوفا ہو کے بھی وہ ہم سے بھلایا نہ گیا

ہم نے کب چاہی تھی تشہیر دلِ بسمل کی
زخم ایسا تھا کسی طور چھپایا نہ گیا

سب کو معلوم تھا فطرت کا تو ہر جائی ہے
پھر ہمیں کیوں ترے بارے میں بتایا نہ گیا

اس کی خواہش تھی مجھے دیکھے نہ کوئی شفقت
آئینے کو بھی کبھی چہرہ دکھایا نہ گیا
شفقت حیات شفق
Shafqat Hayat Shafaq